Chale! We hear say the next Black Panther movie go feature Ghana’s number one anti-corruption commando ‘Killer Nkuto’.
The movie makers say Killer Nkuto in character go fit dema new storyline like the skinny jeans you buy from Kantamanto.
For the movie inside, T’Challa send Killer Nkuto say make he go deal plus the corrupt politicians who dey chop chop wonna money for Africa here. Some okro moff guy for the movie production team tell we say “the lasshow for the movie inside be brutal kɛkɛ! Killer Nkuto beat beat the thieves like Bastie beat Bukom Banku.”
Martin Amidu WhatsApp we this morning say true true he “dey feature for the next Black Panther inside – live and coloured 😁.” He add say in vision be say Ghana then the whole Africa go make like Wakanda.